Lets turn a new leaf

New Horizon Media புத்தகங்கள்

2010-02-21T11:34:00.000-08:00

இந்த பக்கத்திலிருக்கும் புத்தகங்கள் அனைத்தையும் உங்களுக்கு வழங்குபவர்கள் - நியு ஹாரிசன் மீடியா. இந்த புத்தகங்களுக்கு வாடகை எதுவும் கிடையாது.

ஒரு சிறிய நிபந்தனை - 400 வார்த்தைகளுக்கு குறையாமல் புத்தகம் பற்றிய பார்வையை நீங்கள் உங்கள் வலைபதிவில் பதிய வேண்டும் - வலைபதிவோ வலைதளமோ இல்லாதவர்கள், உங்கள் விமர்சனத்தை என்னுடைய மின்னஞ்சலுக்கு அனுப்பலாம்.

எனக்கு அனுப்பப்படும் விமர்சனங்கள் நியு ஹாரிசன் மீடியாவிற்கு அனுப்பிவைக்கப்படும்.

இப்போது இந்த பட்டியல் உங்களுக்கு
(Please wait till Google Docs loads)

அபுணைவு/ Non Fiction

2010-01-30T10:50:00.000-08:00

புணைவுகளைக் காட்டிலும் அபுணைவுகள் மிகவும் பயனுள்ளவையாக இருப்பதாக என் சொந்த அனுபவத்தில் அறிகிறேன். தத்துவம், சமுகம், தொழில்துறை போன்ற துறைகளில் அபுணைவு எழுத்துகள் என்னிடம் இருக்கின்றன.

என்னிடம் இருக்கும் நூல்களின் முழுமையான பட்டியல் இங்கே.

References

2010-01-30T10:42:00.000-08:00

இந்த பகுதியில் இடம் பெற்றிருக்கும் புத்தகங்கள் பல அரிய தகவல்களை உள்ளடக்கியவை. இவை பெரும்பாலும் reference purposesக்கெ பயன்படுவதாலும், இவற்றின் விலை அதிமாக இருப்பதாலும், இவற்றின் வாடகையும் அதிகமாகவே இருக்கும்.

மேலும் ஒரு முக்கியமான விஷயம் - இவை தற்போது வினியோகத்திற்கு இல்லை. வேறு ஒருவரிடம் கொடுத்திருக்கிறேன். இவற்றில் ஏதேனும் உங்களுக்கு அவசர தேவை என்றால் என்னை தொடர்பு கொள்ளவும். நான் வரவழைத்து தர முடியுமா என்று பார்க்கிறேன்.

புதினங்கள்/ சிறுகதைகள்

2010-01-30T10:32:00.000-08:00

ஆங்கிலம் மற்றும் தமிழில் எழுதப்பட்ட முக்கியமான சிறுகதை மற்றும் நாவல்கள் என்னுடைய நூலகத்தில் இருக்கின்றன. நோபல் பரிசு பெற்ற நாவல்கள், பரவலாக பலராலும் முக்கியமானவை என கருதப்பட்ட நாவல்கள் இவை.
மேலும் ஆங்கிலம் மற்றும் தமிழ் என்ற இரு மொழிகளிலும் நாவல்கள் இருக்கின்றன.

கவிதைகள்/ Poems

2010-01-30T10:21:00.000-08:00

தமிழில் நவின கவிதைகள் உலகின் சில முக்கிய கவிஞர்களின் நூல்கள் இந்த நூலகத்தில் இடம் பெருகின்றன. இதைத் தவிர சில முக்கியமான நூல்களாக நான் பரிந்துரை செய்வது

1) விக்கிரமாதித்யனின் கவிதை ரசனை - கவிதைகள் பற்றிய புரிதலை தோற்றுவிக்கும்
2) சிற்றகல் - தமிழின் நவின கவிதை சூழலை பரந்த நோக்கில் அறிமுகப்படுத்தும் நூல்.

இதைத் தவிர இந்த தொகுதியில் இருக்கும் ஒவ்வொரு நூலும் முக்கியமான அனுபவத்தை தோற்றுவிப்பதாய் அமையும்.

தளத்தைப் பற்றி

2010-01-30T09:01:00.000-08:00

முதல் மற்றும் முக்கியமான விஷயம் - இது லாப நோக்கில் நடத்தப்படும் வியாபாரமல்ல.

என்னுடைய சிறிய நூலகத்தை நான் உங்களுடன் பகிர்ந்து கொள்ளும் முயற்சியே. இது போல இன்னும் நிறைய பேர் தங்கள் நூலகங்களைப் பகிர்ந்து கொண்டால் இந்த உலகத்தில் சிறந்த நூல்களை தடையற்று கிடைக்கும் என்பது என் நம்பிக்கை.

இதே போல இன்னும் பலரும் தங்கள் நூலகங்களை பகிர்ந்து கொள்ளவேண்டும் என்று நான் ஆசைப்படுகிறேன் - அப்படி செய்தால் ஒரு மிகப்பெரிய புத்தக வலையை ஏற்படுத்தலாம். அந்த வலையில் மிகவும் தரமான புத்தகங்கள் எளிமையாக கிடைக்கும்.

அவரவர் ரசனைக்கேற்ப first hand review-உடன் நூல்கள் கிடைக்கும். ஒரு மிகப்பெரிய virtual book club உருவாகும். கொஞ்சம் அதிகப்படியான கற்பனை தான் :-)

இதை செய்ய வேண்டும் என்று ஆசையாக வெளிப்படுத்தாமல் முதல் கல்லை நானே நகர்த்த விரும்பினேன். அதன் விளைவை தான் நீங்கள் பார்த்துக் கொண்டிருக்கிறீர்கள்.

என்னுடைய நூலகத்திற்கு உங்களை நான் வரவேற்கிறேன்.

இது எப்படி இயங்கும்

2010-01-30T07:15:00.001-08:00

உங்களுக்கு புத்தகம் பிடிக்குமா ? எனக்கும். எந்த மாதிரி புத்தகம் - எனக்கு எல்லா விதமும்.

புத்தகங்களை வாடகைக்கு எடுத்துப் படிக்க இந்த தளத்தை நான் உருவாக்கியிருக்கிறேன். இந்த புத்தகங்கள் அனைத்தும் என்னுடைய சிறிய நூலகத்தில் இருப்பவை. என்னுடைய ஆன்மிக புத்தகங்களையும், நான் படித்து கிழித்த (Ayn Ran நாவல்கள் பக்கம் பக்கமாக இருக்கின்றன) நாவல்களையும், நான் தற்போது படித்துக் கொண்டிருக்கும் புத்தகங்களையும் நான் உங்களுடன் பகிர்ந்து கொள்ளவில்லை. ஒரு வேளை எதிர்காலத்தில் அதையும் செய்யலாம்.

இந்த புத்தகங்கள் என் ரசணை சார்ந்தவை - அதனால் உங்களுக்குத் தேவையான எல்லா புத்தகங்களும் இங்கே கிடைக்கும் என்ற உத்திரவாதத்தை நான் தர முடியாது. ஆனால் என் ரசணை விரிய விரிய அது உங்களுக்கும் கிடைக்கும்.

இதற்கும் பிற வாடகை நூல் நிலையங்களுக்கும் இருக்கும் முக்கியமான வித்தியாசம் - நீங்கள் முன்பணம் (Advance Deposit) எதுவும் தர தேவையில்லை. வாடகை மட்டும் தந்தால் போதும். அதுவும் மிகவும் குறைந்த வாடகை. இதற்கு கீழ் வேறெங்கும் கிடைக்காது என்ற நம்பிக்கை இருக்கிறது.

யாராவது ஏமாற்றி விட்டு ஓடிவிட்டால் என்ன செய்வீர்கள் ? என் அனுபவத்தில் மூன்றில் இரண்டு பங்கு பேர் ஒழுங்காக புத்தகத்தை திருப்பி தந்து விடுகின்றனர். மிக நல்ல புத்தகங்களில் சிலவற்றை கடனாக கொடுத்து திரும்பி கிடைக்காமல் ஏமாந்த அனுபவமும் எனக்கு உண்டு. Holy blood holy grail அந்த வகையில் ஒன்று.

மீதி இருக்கும் ஒரு பங்கின் மீது கவனம் செலுத்தி இரண்டு பங்கு மக்களை அவமானப்படுத்துவானேன் ?

வாடகையும் குறைவாக இருக்க காரணம் - இது லாப நோக்கில் செய்யப்படுவது அல்ல. நிறைய பேருக்கு நிறைய புத்தகம் எளிதாக கிடைக்க வேண்டும் என்று நினைக்கிறேன். அதற்கான சாத்தியக்கூறுகளும் நிச்சயம் இருக்கவே செய்கின்றன என நான் நம்புவதால் இந்த சோதனை முயற்சி.

புத்தகம் இருக்கிறதா இல்லையா என்பது போன்ற தகவல்களை நீங்கள் இணையத்திலேயே பார்த்துக் கொள்ளலாம். என்னை மின்னஞ்சலிலோ, ட்விட்டரிலோ தொடர்பு கொள்ளலாம். நான் சென்னையில் இருப்பதால் இந்த சேவை தற்போது சென்னையில் மட்டுமே - எனக்கு வேறு எங்கும் கிளைகள் கிடையாது :-)

புத்தகத்தை பரிமாறிக்கொள்ள நாம் நேரில் தான் சந்திக்க வேண்டும் (இல்லாவிட்டால் சுண்டைக்காய் கால் பணம் சுமை கூலி முக்கால் பணம் ஆகிவிடும்). தவிர்க்க முடியாத காலத்தில் போஸ்டலிலோ கூரியரிலோ அனுப்பலாம். தப்பில்லை.

சென்னை அடையாறு, பெசண்ட் நகர் பகுதிகளில் இருப்பவர்களுக்கு வார இறுதியில் door delivery என்னால் செய்ய முடியும். பிற பகுதி மக்கள் என்னைத் தேடி தான் வர வேண்டும் - இல்லையேல் ஒரு பொது இடம் :-) வேறு வழியில்லை.

இந்த சேவையில் உங்களுக்கு புத்தகத்தை கொடுக்கவோ மறுக்கவோ எனக்கு முழு உரிமையும் உண்டு - புத்தகங்களை நல்ல முறையில் திருப்பித் தரும் கடமை உங்களுக்கு. அப்படி செய்யாவிட்டால் இரண்டாவது முறை என்னிடம் புத்தகத்தை எதிர்பார்த்து ஏமாற வேண்டாம் :-)

பார்ப்போம் - இதை எவ்வளவு தூரம் செய்ய முடிகிறதென்று. இது உங்களுக்கு பயனுள்ளதாக இருந்தால் மகிழ்ச்சி.